馬年喜悦美食 2026 2.2  2026年2月17日 星期二

       

2.2 馬年喜悦美食 2026 下集

2.2.1 黄金馬拉糕   《金銀滿屋》 

馬拉糕（又寫做馬孻糕）係出名嘅廣東嘢食，係茶樓常見嘅點心之一，特色之一係氣孔有三層，頂層係直嘅，而低層係橫嘅，算係蛋糕嘅一種。正宗馬拉糕由麵粉、雞蛋、牛油溝埋發酵三日，最後放喺蒸籠蒸製而成。茶樓賣嘅馬拉糕通常整成一大型圓狀，切開成細塊賣。 馬拉糕呈金黃色，新鮮食嗰時好鬆軟，帶有輕微嘅香味。如果發酵足夠，馬拉糕嘅顏色會變成深啡色。

亦有簡易馬拉糕整法用紅糖而且無需發酵，但鬆軟程度會較低。

材料

第一天 麵種：
. 高筋麵粉 100克

. 食用水 50克

. 酵母 0.5克

第二天 麵種：
. 第一天 麵種
. 高筋麵粉 100克

. 食用水 50克

. 酵母 0.5克

第三天:
. 已發酵好的馬拉糕麵種 280克

. 白沙糖 168克

. 鮮奶 30公克 (或奶粉 22克)
. 鷹粟粉3湯匙 + 雲呢哪3茶匙 +  鹽少許，或吉士粉 22克  

. 高筋麵粉 12克

. 雞蛋2顆或雞蛋液 255克

第四天：
. 所有馬拉糕混合物
. 碱水/鹼水 3-4克

. 泡打粉 22克

. 溶牛油 92克

做法
1. 第一次發酵，老麵種：食用水50克 + 酵母0.5克 + 高筋麵粉100克，搓匀，老麵種發酵18個小時

2. 第二次發酵，老麵種 + 食用水50克 + 酵母0.5克 + 高筋麵粉100克，搓匀，發酵18個小時

3. 打散第二次發酵麵種 + 砂糖，攪伴均匀
4. 加高筋麵粉 + 奶粉 + 吉士粉
5. 加雞蛋，攪伴均匀，發酵18個小時，做成麵糊

6. 泡打粉 + 水 + 鹼水 + 麵糊 + 牛油，做成麵漿

7. 把麵漿倒入糕盘蒸熟

注：你可以用以下材料代替吉士粉 Custard Powder：

每一湯匙高筋麵粉，加一湯匙鷹粟粉 + 一茶匙雲呢哪 + 鹽少許

2.2.2 椰汁馬豆糕 《步步高升》

馬豆糕，全名椰汁馬豆糕，係以馬豆（黃豌豆）、椰汁、淡奶、粟粉同糖等整成嘅白色糕點，係廣東、香港嘅特色小食，可以喺茶樓或酒樓食到，馬豆糕含有一粒粒黃色馬豆，好似粟米粒咁，馬豆比較甜。

黃色的馬豆，像粟米粒，其實跟豆苗同根生。最初我們會吃掉豆苗的嫩葉、再吃長出的豆莢，即荷蘭豆，若沒把荷蘭豆吃掉，讓它繼續生長，最後便會變成豌豆，乾了的黃豌豆便是馬豆了，可說是荷蘭豆的老年版。

馬豆含豐富蛋白質及水溶性纖維，有助降膽固醇和抗氧化。
椰汁富含蛋白質、維他命C、脂肪、糖類及多種氨基酸，能美白肌膚、改善色斑，滋潤養顏，消暑利尿，補腎抗菌。但糖尿病、高血壓患者不宜。

材料：

. 馬豆150克
. 花奶200毫升
. 椰汁200毫升
. 水800毫升
. 糖100克
. 粟粉200克

做法：

1.馬豆浸泡3小時或以上，瀝乾，放入一鍋滾水中，以中小火煮1小時至腍，再焗半小時，瀝乾備用。
2.以花奶混入粟粉，拌勻成粉漿，備用。
3.煲滾一鍋水，放入糖，以中小火煮至糖完全溶化。
4.一邊加入粉漿，一邊不停攪拌。
5.加入椰汁、馬豆，繼續拌勻，直至變得濃稠，關火。
6.倒入玻璃容器內，待涼，放入雪櫃冷藏約3小時即可。

不失敗秘訣：
1.馬豆必須煮腍，可煲半小時，放入真空煲焗約4小時；或先放冰格冷藏至結冰，再煲煮可快速煮腍。
2.下粟粉漿時，須不停攪拌，避免黏底。

2.2.3 桂花馬蹄糕 《馬到功成》

馬蹄糕係點心一種，用馬蹄粉整，以廣州泮塘馬蹄粉整最出名。以馬蹄粉（馬蹄粉）、地瓜粉、馬蹄、白砂糖為主要原料。採用糖水拌合馬蹄粉蒸制嘅核心工藝，成品呈茶黃色半透明狀，質地軟滑爽韌兼具，可折而唔裂，衍生出雙色、透明等品類。正宗泮塘馬蹄糕入邊係無馬蹄粒嘅，單用馬蹄粉整，所以顏色無咁鮮艷。馬蹄糕亦係唐人過年成日食嘅糕點。

材料：

. 馬蹄粉75克

. 水（開馬蹄粉）125毫升

. 砂糖100克

. 水（溶解砂糖）200毫升

. 馬蹄4粒

. 桂花乾或桂花糖2湯匙。

做法
1．馬蹄去皮，洗淨切碎待用。

2．馬蹄粉用水開成幼滑粉糊，另將砂糖用水攪至溶解。

3．馬蹄粉水和糖水拌匀，以慢火煮至半凝固及透明，其間不停攪拌。

4．快速加入馬蹄碎和桂花入粉糊内，攪拌均匀。

5．將粉糊倒入已掃油的小碗裏。
6．放入熱水上蒸25分鐘即成。

材料與烹飪

2.2.1 黄金馬拉糕   《金銀滿屋》

2.2.2 椰汁馬豆糕 《步步高升》

2.2.3 桂花馬蹄糕 《馬到功成》

待續，環球時令沙律 2026  

6.1.2 中美篇：伯利兹，哥斯達黎加，薩爾瓦多

發佈者：食家 Chef Kar